«المذيعة الحيحانة.. غلبت الراجل النسوانجي».. هكذا علق أحد رواد السوشيال ميديا على حلقة مذيعة التريند الأخيرة
كتبت – أميرة السمان
أثارت المذيعة ياسمين عز، غضب رواد السوشيال ميديا بسبب تصريحاتها المثيرة للجدل، والتي وصفها البعض بإثارة الفتن داخل المجتمع المصري.
وتفاعلت ايفون نبيل أحد رواد السوشيال ميديا، على تصريحات ياسمين عز قائلة: «قوليلي يا ياسمين.. هو انتى ماسكة سيديهات على المعد.. ممضيه القناة على شيكااات على بياااض.. انا بحب محتواكى.. بس هو ينفع اكتر لموجة كوميدى.. عندك طاقة مرعبة فى الهبد.. لو كتبتى سكريبتات كوميدى.. هتبقى خطيرة.. انتى طاقة لا يستهان بيها فى التفاصيل التافهة.. مرعبة ماشاء الله عليكى يعنى.. ربنا يزيد هبدك ورقعك… انتى محتاجة حد يعاملك معامله خاصة يا روحى».
كما تفاعلت إيمان الشريف على فيديو الحلقة، بتعليق كالآتي: “المذيعه الحيحانه علي عموم الرجالة بدون تمييز في نفس ذات اللحظه … أنا لو من جوزك أقفل عليكي باب الشقه وانا خارج ومحطش راجل في طريقك لا تاكليه .. غلبتي الراجل النسوانجي اللي بيحب كل النسوان بدون تمييز .. لأ ومتفشخره أوي انك بتحبي الرجاله .. احنا كنا فاكرينها حاجه عيب.. عامله زي الراجل الرينبو اللي نزل الملعب بالعلم في كاس العالم عشان يتفشخر بخيبته قدام العالم».
وعلق أحمد الكابوس أحد رواد السوشيال ميديا بتعليق جاء نصه: «على فكره ده فشل في الإعداد لما تكون الحقله كلها على الراجل ورغي ع الراجل».
بينما وجهت جنى مسعود دعوة لياسمين عز جاء نصها كالآتي: «يارب يوعدك براجل يسبقك ب كيلو مش ٥٠ متر علشان كل ما بعدت المسافه تزيد المحبه على رايك».
أما أم أحمد أحد رواد السوشيال ميديا فقالت لها: «ارحمينا بقى واتعلجي ياريت قناه mbc توقف برنامجها بجد القناة هتخسر بسببها ناس كتير مبقتش بتجيب القناة بسببها لانها فعلا مريضه ربنا يشفيها وتتجوز وترحمنا».
بينما سخر منها أيمن مصطفى أحد رواد السوشيال ميديا بتعليق كالآتي: “معاكي حق يا استاذه ياسمين انا اخر مره كنت عاملها موكب فرعوني ملكي سبقتها ٢ كيلو وسرحت لقيت وحده واقفه عالناصيه شقطها وروحنا ونسيتها خالص تاهت فالشارع حببتي والموكب باظ بسببها للاسف.. ياريت يبقى عندنا ثقافه المواكب الفرعونيه بجد”.. وذلك حسب تعبيرهم على أحد مقاطع الفيديو التي شاركتها الصفحة الرسمية للقناة.
وكانت الإعلامية ياسمين عز خرجت عن النص كالعادة خلال انتقادها للزوجات في حلقة برنامجها “كلام الناس” وخرجت عن التعبيرات الإعلامية المسموح بها خلال برنامجها.
